തൃശൂര്: കെ ആര് ഗൗരി മുഖ്യമന്ത്രിയാകുമെന്ന് പറഞ്ഞ് പറ്റിച്ചപോലെ വി.എസ് അച്യുതാനന്ദനെ മുന്നണി നായകനാക്കി പൊക്കിപ്പിടിക്കാന് സിപിഎമ്മിലെ ജയരാജന് കോക്കസ്സ് തീരുമാനിച്ചു.എല്ലാവരും വിഎസ്സിനെ നായകനാക്കി ഇനി മുതല് പ്രസംഗിക്കാന് നിര്ദ്ദേശവും പോയി.തിങ്കളാഴ്ച ശിവദാസമേനോന്,
ചൊവ്വാഴ്ച ഇ.പി ജയരാജന് എന്നിവര് ഇങ്ങനെ പ്രസംഗിച്ചു.നല്ല കമ്മ്യൂണിസ്റ്റിന്റെ ക്വാളിറ്റി ഇല്ലാത്തയാളാണ് വി എസ്സ് എന്ന് രണ്ടാഴ്ച മുമ്പ് തൃശൂരില് വിശേഷിപ്പിച്ച ഇപി ഇന്നലെ കണ്ണൂരില് വിഎസ്സിനെ മുഖ്യമന്ത്രിയാക്കി. കാര്യം വരുമ്പോള് വിഎസ്സിനെ തഴയും.പ്രതിപക്ഷ നേതൃതസ്ഥാനം കോടിയേരിക്ക് തന്നെയായിരിക്കും. തെരഞ്ഞെടുപ്പ് കഴിഞ്ഞുമാത്രമേ നായകനെ തീരുമാനിക്കൂ എന്ന് കോടിയേരി മാത്രമാണ്വ്യക്തമാക്കിയത്. പിണറായിയാകട്ടെ ഒന്നും പറയില്ല. തര്ക്കം വരുമ്പോള് രക്ഷപ്പെടാനാണിത്. വിഎസ്സിനെ നായകനാക്കാമെന്ന് ഒരിടത്തും തങ്ങള് പ്രസംഗിച്ചിട്ടില്ലെന്ന് .കാര്യം കഴിയും വരെ വിഎസ്സിനെ താരമാക്കും. പാര്ട്ടിപത്രത്തില് തനിക്ക് അര്ഹമായ പ്രാധാന്യം നല്കണമെന്ന് വി എസ്സ് ആവശ്യപ്പെട്ടതിന്റെ പിറ്റേന്ന് അദ്ദേഹത്തിന് വേണ്ടി ഒരു പേജ് മാറ്റിവെച്ചു. അതില് നിറയെ വി.എസ് സ്തുതിയാണ്. ഏതാണ്ട് 3 വര്ഷമായി വിഎസ്സിനെതിരെയായിരുന്നു പത്രം .മന്ത്രി സഭാ വാര്ഷികത്തില് പോലും വിഎസ്സിന്റെ മന്ത്രി സഭയെന്ന് പറയാന് സിപിഎം പത്രം കൂട്ടാക്കിയില്ല. എന്നാല് ഇന്നലെ ഇറങ്ങിയ പത്രത്തിന് വി എസ് അച്യുതാനന്ദന്രെ നേതൃത്വത്തിലുള്ള എല്ഡി എഫ് മന്ത്രിസഭയെന്ന് എഴുതേണ്ടിവന്നു.
വി എസ്സിന്റെ ഓഫീസ് ഇടപെട്ട് സിപിഎം പത്രത്തിന് നല്കിയ നിര്ദ്ദേശം അപ്പാടെ ഇന്നലെ മുതല്പാലിച്ച് തുടങ്ങി. തനിക്ക് പാര്ട്ടി പ്രസിദ്ധീകരണങ്ങളില് അര്ഹമായ പ്രാതിനിധ്യം നല്കണമെന്നും തന്നെ നായകനായി ചിത്രീകരിക്കണമെന്നും വി എസ്സ് നിര്ദ്ദേശം വെച്ചുവെന്ന് ഇന്നലെ വീക്ഷണം പ്രസിദ്ധീകരിച്ചിരുന്നു. വിഎസ്സിനെ സ്ഥാനാര്ത്ഥിയാക്കിയപ്പോള് മുതല് അദ്ദേഹം പാര്ട്ടിയില് പിബി മെമ്പര്ക്കരേക്കാള് മുന്നിലായി. തനിക്ക് കിട്ടിയ അപൂര്വ്വ നേട്ടം മുതലെടുക്കാനുള്ള ശ്രമത്തിലാണ് വിഎസ്. പാര്ട്ടി ചാനലിനെ തഴഞ്ഞ്ഏഷ്യാനെറ്റ്, മനോരമ ചാനലുകള്ക്ക് അഭിമുഖം ഒരേ ദിവസം നല്കിയ വിഎസ്സ് പാര്ട്ടി പത്രത്തെ മറന്ന്്മാതൃഭൂമിക്കും അഭിമുഖം നല്കി. പാര്ട്ടി സെക്രട്ടറി പിണറായി വിജന് ഇന്നലെ എകെ ജി ദിനത്തില്എഴുതിയ ലേഖനത്തില് വിഎസ്സിനെനെതിരായ ഒളിയമ്പുമില്ല.എകെജിയെക്കുറിച്ചുള്ള ഓര്മ്മ ഏതാനും വരികളിലൊതുക്കി പിന്നീട് പറയുന്നത് മറ്റുപല കാര്യങ്ങളുമാണ്. സമീപകാലം വരെ പിണറായി എന്തെഴുതിയാലും വി എസ്സിനിട്ട് ഒരു കൊട്ട് കോടുത്തിരുന്നു. പിണറായി ഇന്നലെ എഴുതിയ ലേഖനത്തില് വിഎസ്സ് വിരുദ്ധവുമില്ല അനുകൂലവുമില്ല.
10 ദിവസം മുമ്പ് പത്രത്തില് പ്രസിദ്ധീകരിച്ച വാര്ത്തയില് വി എസ്സ് നയിക്കുമെന്ന് പറഞ്ഞില്ല പകരം പാര്ട്ടി സെക്രട്ടറി കൂടി നയിക്കുമെന്നും മുഖ്യമന്ത്രിയെ തെരഞ്ഞെടുപ്പ് കഴിഞ്ഞാല് നിശ്ചയിക്കുന്ന രീതിയാണ് ഉള്ളതെന്നും വിവരിച്ചിരുന്നു.(മെയ്11)എന്നാല് തിങ്കളാഴ്ച പാലക്കാട്ട് ടി ശിവദാസമേനോന് 'സേവ പിടിച്ച്' പറഞ്ഞത് എല്ഡിഎഫ് സര്ക്കാരിനെ അച്യുതാനന്ദന് തന്നെ നയിക്കുമെന്നാണ്. ഈ വാചകം ഇന്നലത്തെ ദേശാഭിമാനിയില് (പേജ് 5) വരികള്ക്കിടിയല് കൊടുത്തിട്ടുണ്ട്. വി എസ്സ് നയിക്കും-ശിവദാസമേനോന് എന്ന് തലക്കെട്ടിടാതെ ''ഭരണം വിലയിരുത്തി ജനം വോട്ട് ചെയ്യും:ശിവദാസ മേനോന്'' എന്നാണ് നല്കിയിട്ടുള്ളത്. എന്നാലും വിഎസ്സ് തന്നെ മുഖ്യമന്ത്രി എന്ന് പ്രസിദ്ധീകരിച്ചതും പിണറായിയുടെ ലേഖനത്തിലെ പരാമര്ശങ്ങള് ഒഴിവാക്കിയതും താല്കക്കാലിക നേട്ടത്തിന് മാത്രമാണ്. ഇന്നലെ വിഎസ്സിന്റെ സാന്നിദ്ധ്യത്തില് ഇപി ജയരാജന് വി എസ്സിനെ പുകഴ്ത്തിയതും ഒരു തരത്തില് പരിഹസിക്കലാണ്.
