വാഹനങ്ങളില് കാഴ്ച മറയ്ക്കും തരത്തില് കറുത്ത ഗ്ലാസ് ഘടിപ്പിക്കുന്നത് നിരോധിച്ച് സുപ്രീംകോടതി ഉത്തരവായി.
മോട്ടോര് വാഹന നിയമപ്രകാരമുള്ള ഗ്ലാസ് മാത്രമേ വാഹനങ്ങളില് ഉപയോഗിക്കാവൂവെന്ന് ചീഫ് ജസ്റ്റിസ് എസ്.എച്ച്. കപാഡിയയുടെ നേതൃത്വത്തിലുള്ള ബെഞ്ച് വ്യക്തമാക്കി.
സുരക്ഷയുടെ ഭാഗമായി സര്ക്കാര് നിര്ദേശിക്കുന്നവര്ക്ക് കറുത്ത ഗ്ലാസ് വാഹനങ്ങളില് ഉപയോഗിക്കാം. ഇതിനുള്ള മാനദണ്ഡങ്ങള് സംസ്ഥാന സര്ക്കാറുകള് തയ്യാറാക്കണം. വാഹനങ്ങളുടെ മുന്നിലും പിന്നിലുമുള്ള ഗ്ലാസുകള് 70 ശതമാനം സുതാര്യവും വശങ്ങളിലുള്ള ഗ്ലാസുകള് 50 ശതമാനം സുതാര്യവുമായിരിക്കണമെന്ന് മോട്ടോര് വാഹന ചട്ടം നിര്ദേശിക്കുന്നു.
കാഴ്ച മറയ്ക്കുന്ന ഫിലിമുകളും ഗ്ലാസ്സുകളും നിരോധിക്കണമെന്ന ഹര്ജിയിലാണ് ഉത്തരവ്. ഇത്തരം ഗ്ലാസ്സുകളുള്ള കാറുകളിലാണ് അക്രമങ്ങള് നടക്കുന്നതെന്ന് ഹര്ജിയില് കുറ്റപ്പെടുത്തിയിരുന്നു.
This is default featured slide 1 title
Go to Blogger edit html and find these sentences.Now replace these sentences with your own descriptions.
This is default featured slide 2 title
Go to Blogger edit html and find these sentences.Now replace these sentences with your own descriptions.
This is default featured slide 3 title
Go to Blogger edit html and find these sentences.Now replace these sentences with your own descriptions.
This is default featured slide 4 title
Go to Blogger edit html and find these sentences.Now replace these sentences with your own descriptions.
This is default featured slide 5 title
Go to Blogger edit html and find these sentences.Now replace these sentences with your own descriptions.
Saturday, April 28, 2012
Friday, April 27, 2012
മുന്നൂറ് യൂണിറ്റുവരെ വൈദ്യുതിനിരക്ക് കൂടില്ല
പരിധികടന്നാല് യൂണിറ്റിന് പത്തു രൂപ
അധികനിരക്ക് ഒരുലക്ഷം ഉപയോക്താക്കളെ ബാധിക്കും
കടകള്ക്കും ചെറുകിട വ്യവസായങ്ങള്ക്കും പത്തു ശതമാനം പവര്കട്ട്
നിയന്ത്രണം ഏപ്രില് 26 മുതല് മെയ് 31 വരെ -
വീടുകളില് മാസം 300 യൂണിറ്റുവരെയുള്ള വൈദ്യുതിക്ക് വില കൂട്ടേണ്ടതില്ലെന്ന് റെഗുലേറ്ററി കമ്മീഷന് തീരുമാനിച്ചു. ഇതില്കൂടുതലുള്ള ഓരോ യൂണിറ്റിനും പത്തുരൂപ ഈടാക്കണം. ഏപ്രില് 26 മുതല് മെയ് 31 വരെ അധികം ഉപയോഗിക്കുന്ന വൈദ്യുതിക്കാണ് ഈ വില നല്കേണ്ടത്. ദിവസം അരമണിക്കൂര് ലോഡ്ഷെഡ്ഡിങ് തുടരും. മാസം 150 യൂണിറ്റിന് മുകളില് 10 രൂപ ഈടാക്കാനുള്ള ബോര്ഡിന്റെ ശുപാര്ശ കമ്മീഷന് തള്ളി.
എന്നാല് കടകള്,ചെറുകിട വ്യവസായങ്ങള് എന്നിവ ഉള്പ്പെടെ എല്ലാവിഭാഗം ലോടെന്ഷന് ഉപഭോക്താക്കള്ക്ക് 10 ശതമാനം പവര്കട്ട് ഏര്പ്പെടുത്താനുള്ള ബോര്ഡിന്റെ നിര്ദേശം കമ്മീഷന് അതേപടി അംഗീകരിച്ചു. കഴിഞ്ഞ സാമ്പത്തിക വര്ഷം ഉപയോഗിച്ച ശരാശരിയുടെ 90 ശതമാനത്തില് കൂടുതല് വൈദ്യുതി ഉപയോഗിച്ചാല് അധികമുള്ള യൂണിറ്റിന് പത്തുരൂപ ഇവരും നല്കണം. എന്നാല് അധിക ഉപഭോഗത്തിന് സര്ച്ചാര്ജ് നല്കേണ്ടതില്ല. കൃഷിക്കുള്ള വൈദ്യുതിക്കും തെരുവുവിളക്കുകള്ക്കും നിയന്ത്രണമില്ല.
മാസം 150 യൂണിറ്റില് കൂടുതലുള്ളതിന് അധികനിരക്ക് ചുമത്തിയാല് ബില്ത്തുകയില് 40 മുതല് 97 ശതമാനംവരെ വര്ധനയുണ്ടാകുമെന്ന് കമ്മീഷന് വിലയിരുത്തി. ഇത് 'താരിഫ് ഷോക്ക്' ആവും. അതുകൊണ്ട് കമ്മീഷന് നിയന്ത്രണ പരിധി ഉദാരമാക്കി. ബോര്ഡിന്റെ നിര്ദേശം സാധാരണക്കാരെയടക്കം 10 ലക്ഷത്തോളം ഉപയോക്താക്കളെ ബാധിക്കുമായിരുന്നു. എന്നാല് ഒരുലക്ഷംപേരെ മാത്രം ബാധിക്കുന്ന തരത്തിലാണ് തങ്ങളുടെ തീരുമാനമെന്ന് കമ്മീഷന് അറിയിച്ചു.
ലോഡ്ഷെഡ്ഡിങ്ങും വ്യവസായങ്ങള്ക്ക് പവര്കട്ടുംകൊണ്ട് തൃപ്തിപ്പെടാനായിരുന്നു നേരത്തെ ബോര്ഡ് തീരുമാനിച്ചത്. എന്നാല് നിയന്ത്രണം എല്ലാവിഭാഗത്തിനും വേണമെന്ന് നിര്ദേശിച്ചത് കമ്മീഷനാണ്. ഇതനുസരിച്ച് പിന്നീട് ബോര്ഡ് ശുപാര്ശ നല്കി. എന്നാല് ഉപയോക്താക്കള്ക്കുണ്ടാകുന്ന ആഘാതം വിലയിരുത്താതെയുള്ള നിര്ദേശമാണ് ബോര്ഡ് നല്കിയതെന്നായിരുന്നു കമ്മീഷന്റെ കുറ്റപ്പെടുത്തല്. നിര്ദേശം ചോദിച്ച് വാങ്ങിയശേഷം രൂക്ഷവിമര്ശനം നടത്തിയതില് വൈദ്യുതി ബോര്ഡിന് പ്രതിഷേധമുണ്ട്.
ഇപ്പോള് ഏര്പ്പെടുത്തിയ പത്തുശതമാനം പവര്കട്ട് കടകള്, ഹോട്ടലുകള്, ചെറുകിട വ്യവസായ സ്ഥാപനങ്ങള്, കോളനികള്, സര്ക്കാര് ഓഫീസുകള്, വിദ്യാഭ്യാസ സ്ഥാപനങ്ങള് തുടങ്ങി എല്ലാവിഭാഗങ്ങള്ക്കും ബാധകമാണ്.
സച്ചിനും രേഖയും രാജ്യസഭയിലേക്ക്
ക്രിക്കറ്റ് താരം സച്ചിന് തെണ്ടുല്ക്കറും ഹിന്ദി ചലച്ചിത്രതാരം രേഖ, വ്യവസായ പ്രമുഖ അനു ആഗ എന്നിവര് രാജ്യസഭയിലേക്ക്. ഇവരെ നാമനിര്ദേശം ചെയ്തുകൊണ്ടുള്ള സര്ക്കാറിന്റെ ഔദ്യോഗിക വിജ്ഞാപനം പുറത്തിറങ്ങി.
വിവിധ മേഖലകളില് പ്രാഗല്ഭ്യം തെളിയിച്ചവരെ ഭരണഘടനയുടെ പ്രത്യേക വകുപ്പുപ്രകാരം രാഷ്ട്രപതിക്ക് രാജ്യസഭയിലേക്ക് നാമനിര്ദേശം ചെയ്യാം. 12 അംഗങ്ങളാണ് ഇത്തരത്തില് നാമനിര്ദേശം ചെയ്യപ്പെടുന്നത്. ഇതില് അഞ്ച് ഒഴിവുകള് ഇപ്പോള് നിലവിലുണ്ട്. മറ്റ് രണ്ടുപേരുകള് പുറത്തുവന്നിട്ടില്ല.
നാമനിര്ദേശം ചെയ്യേണ്ടവരുടെ പേരുകള് സംബന്ധിച്ച് പ്രധാനമന്ത്രി ആഭ്യന്തര മന്ത്രാലയത്തിന് നിര്ദേശം നല്കിയിരുന്നു. ഇതിന്റെ അടിസ്ഥാനത്തില് ഇത് രാഷ്ട്രപതിയുടെ പരിഗണനയ്ക്ക് മന്ത്രാലയം അയച്ചിരുന്നു. അത് രാഷ്ട്രപതി പ്രതിഭാ പാട്ടീല് അംഗീകരിച്ച തിനെത്തുടര്ന്നാണ് വിജ്ഞാപനം വന്നത്.
അതിനിടെ സച്ചിന് തെണ്ടുല്ക്കര് കോണ്ഗ്രസ് അധ്യക്ഷ സോണിയാ ഗാന്ധിയുമായി വ്യാഴാഴ്ച കൂടിക്കാഴ്ച നടത്തി. ഭാര്യ അഞ്ജലിക്കൊപ്പം പത്താം നമ്പര് ജന്പഥിലെ സോണിയയുടെ ഔദ്യോഗിക വസതിയിലെത്തിയാണ് സച്ചിന് സോണിയയെ കണ്ടത്. അന്താരാഷ്ട്ര ക്രിക്കറ്റില് നൂറ് സെഞ്ച്വറികള് തികച്ച സച്ചിനെ വ്യക്തിപരമായി അഭിനന്ദിക്കാന് സോണിയ ആഗ്രഹിച്ചിരുന്നെന്നും അതിന്റെ അടിസ്ഥാനത്തിലായിരുന്നു കൂടിക്കാഴ്ചയെന്നുമാണ് ഔദ്യോഗിക വിശദീകരണം. കേന്ദ്രമന്ത്രിയും ബി.സി.സി.ഐ. ഭാരവാഹിയുമായ രാജീവ് ശുക്ലയും കൂടിക്കാഴ്ചയില് പങ്കെടുത്തു.
ചര്ച്ചയ്ക്കിടെ രാജ്യസഭയിലേക്ക് നാമനിര്ദേശം ചെയ്യാനുള്ള സര്ക്കാറിന്റെ താത്പര്യം സോണിയ സച്ചിനെ അറിയിച്ചതായാണ് സൂചന.
നിരവധി നാഴികക്കല്ലുകള് പിന്നിട്ട സച്ചിന് രാജ്യസഭയിലേക്ക് നാമനിര്ദേശം ചെയ്യപ്പെട്ടതോടെ കായിക രംഗത്ത് സജീവമായി നില്ക്കുമ്പോള്ത്തന്നെ രാജ്യസഭയില് അംഗമാകുന്ന ആദ്യ ക്രിക്കറ്റ്, കായിക താരമായി. സച്ചിന് രാജ്യസഭയിലേക്ക് വരുന്നത് സ്വാഗതാര്ഹമാണെന്ന് കോണ്ഗ്രസ് വക്താവ് രേണുകാ ചൗധരി പറഞ്ഞു.
ഹിന്ദി ചലച്ചിത്രലോകത്ത് ഒരുകാലത്ത് ഏറെ തിളങ്ങി നിന്ന നടി രേഖയ്ക്ക് നിരവധി ദേശീയപുരസ്കാരങ്ങളും ലഭിച്ചിട്ടുണ്ട്. ഹിന്ദി ചലച്ചിത്ര താരമായിരുന്ന ജയാ ബച്ചന് ഇപ്പോള് രാജ്യസഭയില് അംഗമാണ്. സമാജ്വാദി പാര്ട്ടി അംഗമാണ് അവര്. പ്രമുഖ ഹിന്ദി ടെലിവിഷന് താരമായ സ്മൃതി ഇറാനിയും രാജ്യസഭയിലുണ്ട്. ബി.ജെ.പി. അംഗമാണ് സ്മൃതി. അടുത്തകാലംവരെ ഹേമമാലിനിയും രാജ്യസഭയില് അംഗമായിരുന്നു. വനിതാ വ്യവസായ പ്രമുഖയും സാമൂഹികപ്രവര്ത്തകയുമായ അനു ആഗ 1996 മുതല് 2004 വരെ വ്യവസായസ്ഥാപനമായ തെര്മാക്സ് ഇന്ത്യയുടെ ചെയര്പേഴ്സണായിരുന്നു.
Thursday, April 26, 2012
എസ്.എസ്.എല്.സി. ഫലം ഇന്ന്
എസ്.എസ്.എല്.സി. പരീക്ഷാഫലം വ്യാഴാഴ്ച രാവിലെ 11.30ന് പ്രഖാപിക്കും, ഇതോടൊപ്പം ടി.എച്ച്.എസ്.എല്.സി, ടി.എച്ച്.എസ്.എല്.സി. (സ്പെഷ്യല് സ്കൂള്), എ.എച്ച്.എസ്.എല്.സി. ഫലങ്ങളും പ്രഖ്യാപിക്കും. മുന് വര്ഷങ്ങളിലെപ്പോലെ 90 ശതമാനത്തിനു മുകളിലാണ് ഇക്കുറിയും വിജയമെന്നാണ് സൂചന. ഫിസിക്സ്, സോഷ്യല് സയന്സ്, ഹിന്ദി വിഷയങ്ങള് താരതമ്യേന കുട്ടികള്ക്ക് ബുദ്ധിമുട്ടായിരുന്നു. ഈ വിഷയങ്ങള്ക്ക് താരതമ്യേന വിജയശതമാനം കുറവാണെന്നാണ് കരുതുന്നത്. മുന് വര്ഷങ്ങളില് മോഡറേഷന് നല്കിയിരുന്നില്ല. ബുധനാഴ്ച ചേര്ന്ന പരീക്ഷാ ബോര്ഡ് യോഗം ഫലം അംഗീകരിച്ചു. മന്ത്രി പി.കെ.അബ്ദുറബ്ബ് പത്രസമ്മേളനത്തിലാണ് വ്യാഴാഴ്ച ഫലം പ്രഖ്യാപിക്കുക.
http://keralapareekshabhavan.in , http://results.kerala.nic.in, keralaresults.nic.in, www.kerala.gov.in, www.prd.kerala.gov.in, http: //results.itschool.gov.in എന്നീ വെബ്സൈറ്റുകളിലും ഫലം കിട്ടും.
ആര്.സെല്വരാജ് കൈപ്പത്തി ചിഹ്നത്തില് മത്സരിക്കും.
കേരളം ഗള്ഫായി മാറുന്നതെത്ര വേഗം
കേരളം പെട്ടെന്നൊരു ദിവസം ഗള്ഫായി മാറുന്നത് സ്വപ്നം കാണാത്ത ഭരണാധികാരികളും സാധാരണക്കാരും കുറവായിരിക്കും. സമ്പദ്സമൃദ്ധിയുടെയും പളപളപ്പിന്റെയും ലോകത്തേയ്ക്ക് മനസുകൊണ്ടൊരു യാത്ര. കണ്ണു തുറക്കുമ്പോള് മുന്നില് കാണുന്നത് കുണ്ടും കുഴിയുമാണെങ്കിലും സ്വപ്നത്തിലെന്തിന് അര്ധരാജ്യം എന്ന് പണ്ടാരോ ചോദിച്ചുവച്ചിട്ടുണ്ടല്ലോ.
ഏതായാലും പെട്ടെന്നൊരു ദിവസം ഗള്ഫ് രാജ്യത്തെ നിയമം കേരളത്തിലും ബാധമാക്കിയ മട്ടിലുള്ള വാര്ത്തയും വിശേഷവും കണ്ട് കുറേപ്പേരെങ്കിലും ഞെട്ടിയിരിക്കുകയാണ്. ആരെങ്കിലും കൊല്ലപ്പെട്ടാല്, അവരുടെ ഏറ്റവും അടുത്ത ബന്ധുക്കള് കൊലയാളിക്ക് മാപ്പുകൊടുത്താല് വധശിക്ഷയില് നിന്നൊഴിവാക്കുന്ന നിയമമുള്ളത് ഗള്ഫ് നാടുകളിലാണല്ലോ. അതത്ര എളുപ്പം നടക്കുന്ന കാര്യമല്ലെന്നും നുലാമാലകള് ഒരുപാടുണ്ടെന്നും മാധ്യമങ്ങളിലൊക്കെ വന്നിട്ടുമുണ്ട്. പോരാഞ്ഞിട്ട് കമല് സംവിധാനം ചെയ്ത പെരുമഴക്കാലം എന്ന സിനിമയില് അക്കഥ നേരിട്ടു കണ്ടതുമാണ്. ഗള്ഫില്വച്ച് ദിലീപിന്റെ കൈകൊണ്ട് മരിക്കുന്ന വിനീതിന്റെ ഭാര്യയുടെ മാപ്പു ലഭിക്കാന് ദിലീപിന്റെ ഭാര്യ മീരാ ജാസ്മിന് നടത്തുന്ന വേദന നിറഞ്ഞ യാത്രയും അനുഭവങ്ങളുമാണല്ലോ പെരുമഴക്കാലം.
ഏതായാലും ജനാധിപത്യ ഇന്ത്യയില് അങ്ങനൊരു നിയമമില്ല. ഇവിടെ കുറ്റം ചെയ്തവരെ നിയമപരമായി കോടതി വിചാരണ ചെയ്തു ശിക്ഷിക്കും. വല്ല അതിര്ത്തിത്തര്ക്കക്കേസിലോ ഭാര്യയും ഭര്ത്താവും തമ്മിലുള്ള സൗന്ദര്യപ്പിണക്കം കോടതി കയറിയ കേസിലോ ഒക്കെ കോടതിക്ക് പുറത്ത് ഒത്തുതീര്പ്പുണ്ടാക്കുന്നതല്ലാതെ, കൊലക്കേസില് അങ്ങനെയൊരു ഏര്പ്പാടില്ല. കോടതിക്കു പുറത്തുമില്ല, അകത്തുമില്ല.
പക്ഷേ, കൊല്ലം നീണ്ടകര പുറംകടലില് കൊല്ലപ്പെട്ട രണ്ടു മല്സ്യത്തൊഴിലാളികളുടെ ആശ്രിതരുമായി, കൊലക്കേസ് പ്രതികളായ നാവികര്ക്കു വേണ്ടി ഇറ്റലി സര്ക്കാരും കപ്പലുടമകളും ഒത്തുതീര്പ്പിലെത്തിയിരിക്കുന്നു. രണ്ടു കോടി രൂപ കൊടുക്കും. പകരം കേസ് എന്നിനി മിണ്ടരുത്. മരിച്ച ഒരാളുടെ ഭാര്യയ്ക്കും മകനും മകള്ക്കുമായി ഒരു കോടി, മരിച്ച മറ്റേയാളുടെ രണ്ട് സഹോദരിമാര്ക്കുമായി ഒരുകോടി. പകരം അവര് ദൈവനാമത്തില് കൊലക്കേസ് പ്രതികള്ക്ക് മാപ്പുകൊടുത്തു. മാത്രമല്ല, ജയിലിലെ ബുദ്ധിമുട്ടുകളും പ്രയാസങ്ങളുമൊക്കെ നീങ്ങി എത്രയും വേഗം പാവം നാവികര് ബന്ധുക്കളോടൊത്തു ചേരട്ടെ എന്ന് പ്രാര്ത്ഥിക്കുകയും ആശംസിക്കുകയും ചെയ്തു. പണത്തിനു മീതെ പറക്കാത്ത പരുന്തിന്റെ കഥ ആരോ എവിടെയോ ഇരുന്ന് ഓര്മിപ്പിക്കുന്നു. മരിച്ചവരോ പോയി, ഇനി ജീവിച്ചിരിക്കുന്നവര്ക്ക് സ്വന്തം കാര്യം നോക്കണ്ടേ എന്ന ആപ്തവാക്യം പറയാതെ പറയുന്ന ചിലര് ടിവി ചാനലുകളില് വന്ന് ഒത്തുതീര്പ്പു ധാരണാപത്രം വായിക്കുന്നു.
യഥാര്ത്ഥത്തില് എന്താണു സംഭവിക്കാന് പോകുന്നത്? കൊലപാതകം ഉള്പ്പെടെയുള്ള ക്രിമിനല് കേസുകളില് വാദി സര്ക്കാരാണ്. അതുകൊണ്ടുതന്നെ മരിച്ചവരുടെ ബന്ധുക്കള് മാപ്പു കൊടുത്തതുകൊണ്ടു മാത്രം കേസ് തീരില്ല. പക്ഷേ, കേസില് തുടര്ന്നു താല്പര്യം കാണിക്കുന്നതില് നിന്ന്, കുറ്റവാളികള്ക്ക് ശിക്ഷ വാങ്ങിക്കൊടുക്കാനുള്ള നിര്ബന്ധ ബുദ്ധിയില് നിന്ന് കൊല്ലപ്പെട്ടവരുടെ വേണ്ടപ്പെട്ടവര് മാറിനടക്കുന്നു. പക്ഷേ, രാജ്യം മുഴുവന് ശ്രദ്ധിച്ച, രണ്ടു രാജ്യങ്ങള്തമ്മിലുള്ള നയതന്ത്ര ചര്ച്ചകളില്പോലും ഇടംപിടിച്ച കടല്ക്കൊലക്കേസിലെ പ്രതികളായ ഇറ്റാലിയന് നാവികര്ക്കു വേണ്ടി നമ്മുടെ നിയമസംഹിത അങ്ങനെയങ്ങ് വളഞ്ഞുകൊടുക്കുമോ?അങ്ങനെ ചെയ്താല് ഇനിയുള്ളകാലത്ത് സമാനമായ നിരവധി കേസുകളില് ഇത്തരം ഒത്തുതീര്പ്പുകള്ക്ക് കളമൊരുങ്ങില്ലേ, അതൊന്നും വേണ്ടെന്നു പറയാന് കോടതിക്കോ മാധ്യമങ്ങള്ക്കോ സാധിക്കുമോ?
ചോദ്യങ്ങളാണ് ഇവയെല്ലാം, ഇപ്പോള്. ഉത്തരം, കടല്ക്കൊലക്കേസിനു നാളെ എന്തു സംഭവിക്കുന്നു എന്നതിനെ അടിസ്ഥാനമാക്കിയായിരിക്കും.
Wednesday, April 25, 2012
എസ്.എസ്.എല്.സി.ഫലം നാളെ
കടലിലെ കൊല: ബന്ധുക്കള്ക്ക് ഒരു കോടി രൂപ വീതം നല്കി
നെയ്യാറ്റിന്കര ഉപതിരഞ്ഞെടുപ്പ് ജൂണ് 2ന്
Tuesday, April 24, 2012
പാര്ട്ടിക്കാര്യങ്ങളില് സമുദായ നേതാക്കളുടെ ഇടപെടല് അംഗീകരിക്കില്ല -പി.സി. വിഷ്ണുനാഥ്
യൂത്ത്ലീഗിന്റെ അണികളെ നിയന്ത്രിക്കണം -വിഷ്ണുനാഥ്
മുസ്ലിംയൂത്ത് ലീഗിന്റെ അണികളെ അടക്കിനിര്ത്താന് നേതൃത്വം തയ്യാറാവണമെന്ന് യൂത്ത് കോണ്ഗ്രസ് സംസ്ഥാനപ്രസിഡന്റ് പി.സി. വിഷ്ണുനാഥ് എം.എല്.എ. ആവശ്യപ്പെട്ടു. യുവജനയാത്രയുടെ കോഴിക്കോട്ടെ സ്വീകരണത്തിനുശേഷം നടന്ന പത്രസമ്മേളനത്തിലാണ് അദ്ദേഹം ഇക്കാര്യം പറഞ്ഞത്. എടുത്ത തീരുമാനങ്ങള് നടപ്പാകുന്നില്ലെങ്കില് ലീഗ് നേതൃത്വം അക്കാര്യം പരിശോധിക്കണം.കണ്ണൂര് ജില്ലയില് യൂത്ത് കോണ്ഗ്രസ്സിന്റെ പ്രചാരണബോര്ഡുകള് യൂത്ത്ലീഗ് പ്രവര്ത്തകര് തകര്ത്തത് അംഗീകരിക്കാന് കഴിയില്ല -വിഷ്ണുനാഥ് പറഞ്ഞു.
വി.എസ്. അച്യുതാനന്ദനെ അപമാനിക്കുന്നതുപോലെയാവില്ല കേരള മുഖ്യമന്ത്രി ഉമ്മന്ചാണ്ടിയെ അപമാനിച്ചാലുള്ള അനുഭവമെന്ന് ഡി.വൈ.എഫ്.ഐ. പ്രസിഡന്റ് എം. സ്വരാജ് മനസ്സിലാക്കണമെന്നും അദ്ദേഹം പറഞ്ഞു. വി.എസ്സിനെ അപമാനിച്ചാല് നീലേശ്വരത്തുമാത്രമേ എതിര്പ്രതികരണമുണ്ടാകൂ. ഉമ്മന്ചാണ്ടിക്കെതിരെ പറഞ്ഞാല് നീലേശ്വരം മുതല് തിരുവനന്തപുരം വരെ ഓടേണ്ടിവരും.
കേരളത്തിന്റെ പൊതു രാഷ്ട്രീയമണ്ഡലത്തിന് ചേരാത്ത ഭാഷ ഉപയോഗിക്കുന്നതില്നിന്ന് സ്വരാജിനെ സി.പി.എം. നേതാക്കള് തടയണം. സി.പി.എമ്മില് ഡി.വൈ.എഫ്.ഐ.യുടെ ചുമതലയുള്ളത് ഇ.പി. ജയരാജനായതിനാല്, സ്വരാജിനെക്കുറിച്ച് അവിടെ പരാതിപ്പെട്ടിട്ട് കാര്യമില്ല. അതുകൊണ്ട്, പക്വതയുള്ള മറ്റ് നേതാക്കള് ഇടപെടണം -വിഷ്ണുനാഥ് ആവശ്യപ്പെട്ടു.
കാലിക്കറ്റ് സര്വകലാശാലയില് സി.എച്ച്. ചെയറിനുവേണ്ടി പത്തേക്കര് ഭൂമി കൊടുക്കാനുള്ള സിന്ഡിക്കേറ്റ് തീരുമാനം പുനപ്പരിശോധിക്കണം. മറ്റ് ചെയറുകള്ക്കെല്ലാം 20 സെന്റ് വീതമാണ് നല്കിയതെന്നിരിക്കെ, സി.എച്ച്. ചെയറിനുമാത്രം കൂടുതല് ഭൂമി നല്കിയത് ന്യായീകരിക്കാനാവില്ല.
ഇക്കാര്യത്തില് വിദ്യാഭ്യാസമന്ത്രി ഇടപെട്ട് തീരുമാനം റദ്ദാക്കണമെന്ന് വിഷ്ണുനാഥ് ആവശ്യപ്പെട്ടു. ജാഥാംഗങ്ങളായ ഡി.വി. വിനോദ്കൃഷ്ണ, മനോജ് മൂത്തേടന്, യൂത്ത് കോണ്ഗ്രസ് കോഴിക്കോട് ലോക്സഭാമണ്ഡലം പ്രസിഡന്റ് എം.പി. ആദംമുല്സി, രാജേഷ് കീഴരിയൂര് എന്നിവരും പത്രസമ്മേളനത്തില് പങ്കെടുത്തു.
പ്രശസ്ത നിര്മാതാവ് നവോദയ അപ്പച്ചന് അന്തരിച്ചു
Monday, April 23, 2012
അണ് എക്കണോമിക് സ്കൂളില് ജൂണിനുശേഷം നിയമിച്ചവര്ക്ക് അംഗീകാരമില്ല
ഇവരെ തസ്തികയില്ലാത്തവരാക്കി അധ്യാപക ബാങ്കില് ഉള്പ്പെടുത്തും
2011 ജൂണ് ഒന്നിന് ശേഷം എയ്ഡഡ് അണ് എക്കണോമിക് സ്കൂളുകളില് നിയമിതരായ അധ്യാപകര്ക്ക് ഇപ്പോള് അംഗീകാരം നല്കേണ്ടതില്ലെന്ന് സര്ക്കാര് തീരുമാനിച്ചു. ഇവരെ ഇപ്പോള് ദിവസവേതനക്കാരായി പരിഗണിച്ച് തസ്തികയില്ലാത്തവരുടെ വിഭാഗത്തിലാക്കി അധ്യാപക ബാങ്കില് ഉള്പ്പെടുത്തും. അടുത്ത വര്ഷം മുതലേ ഇവര്ക്ക് അംഗീകാരം കിട്ടു.
അധ്യാപക പാക്കേജ് നടപ്പാക്കുന്നത് സംബന്ധിച്ച് വിശദീകരിച്ചുകൊണ്ടുള്ള ഉത്തരവ് കഴിഞ്ഞദിവസം പുറത്തിറങ്ങി. ഈ ഉത്തരവിലാണ് ഇക്കാര്യം വ്യക്തമാക്കിയിരിക്കുന്നത്. ത്തരത്തില് നിയമനം കിട്ടിയവരെ മരണവും വിരമിക്കലും വഴിയുണ്ടായ തസ്തികകളില് ഉള്പ്പെടുത്തി അംഗീകരിക്കാന് നേരത്തെ തീരുമാനിച്ചിരുന്നു. ഇങ്ങനെ മൂന്നു മാസത്തോളം ഇവര്ക്ക് അംഗീകൃത പദവി ലഭിച്ചിരുന്നു. എന്നാല് വിരലിലെണ്ണാവുന്ന കുട്ടികള് മാത്രമുള്ള സ്കൂളുകളിലും ഇത്തരത്തില് പുതിയ അധ്യാപകരെ നിയമിച്ചത് ശ്രദ്ധയില്പ്പെട്ടതിനെത്തുടര്ന്നാണ് ഈ തീരുമാനം. ഇത്തരത്തില് എത്ര അധ്യാപകരുണ്ടെന്ന വിവരം സര്ക്കാര് ശേഖരിക്കുന്നുണ്ട്.
പൊതുവിദ്യാഭ്യാസ ഡയറക്ടര് ഈ നിയമനങ്ങള് പരിശോധിക്കണമെന്ന് ഉത്തരവില് പറയുന്നു. ഇത്തരം സ്കൂളുകളില് വേണ്ട മിനിമം തസ്തികകളേ നിലനിര്ത്തേണ്ടതുള്ളൂ. ില കോര്പ്പറേറ്റ് മാനേജ്മെന്റുകള് സീനിയര് അധ്യാപകരെ തങ്ങളുടെ നിയന്ത്രണത്തിലുള്ള മറ്റ് സ്കൂളുകളിലേക്ക് മാറ്റിയിട്ടുണ്ട്. എയ്ഡഡ് അധ്യാപകനിയമനം നിരോധിച്ചിരുന്ന സമയത്താണ് ഇത്തരത്തില് മാറ്റിയിരുന്നത്. എന്നാല് ഈ അധ്യാപകരുടെ നിയമന സാധ്യത സ്ഥലം മാറ്റത്തിനു മുമ്പ്, 2011 ജൂണ് ഒന്നുവരെ ജോലിചെയ്ത സ്കൂളിലായിരിക്കുമെന്നും ഉത്തരവ് വ്യക്തമാക്കുന്നു.
