എസ്.എഫ്.ഐ മുന് സംസ്ഥാന പ്രസിഡന്റ് കൂടിയായ സിന്ധു കഴിഞ്ഞ നിയമസഭാ തിരഞ്ഞെടുപ്പില് ഉമ്മന് ചാണ്ടിക്കെതിരെ പുതുപ്പള്ളിയിലും അതിന് ശേഷം ലോക്സഭാ തിരഞ്ഞെടുപ്പില് എറണാകുളം മണ്ഡലത്തില് കെ.വി തോമസിനോടും മത്സരിച്ച് പരാജയപ്പെട്ടിരുന്നു. എസ്.എഫ്.ഐയുടെ ദേശീയ വൈസ് പ്രസിഡന്റായിരുന്നെങ്കിലും സിന്ധു ജോയി കഴിഞ്ഞകുറേ കാലമായി പാര്ട്ടിയില് സജീവമായിരുന്നില്ല.
കോണ്ഗ്രസില് ചേരാന് ഒരുങ്ങുന്നതിന് മുന്നോടിയായാണ് സിന്ധു ജോയി സി.പി.എമ്മുമായുള്ള ബന്ധം ഉപേക്ഷിച്ചതെന്നാണ് സൂചന. വ്യാഴാഴ്ച ഉച്ചയ്ക്ക് ശേഷം പുതുപ്പള്ളിയില് പ്രതിപക്ഷ നേതാവ് ഉമ്മന് ചാണ്ടിയുടെ തിരഞ്ഞെടുപ്പ് കണ്വെന്ഷനില് അവര് പങ്കെടുക്കുമെന്നാണ് റിപ്പോര്ട്ടുകള്.
