സുപ്രീംകോടതി നിയോഗിച്ച ഉന്നതസമിതി അതീവശ്രദ്ധയോടെ നടത്തിയ പരിശോധനയില് ഒരുലക്ഷം കോടിയോളം രൂപ വിലമതിക്കുന്ന മഹാനിധി സഞ്ചയമാണ് കണ്ടെടുത്തിരിക്കുന്നത്. ഇവയുടെ പൈതൃകമൂല്യം നിര്ണയിക്കേണ്ടത് അതിവിദഗ്ധരാണെന്നിരിക്കെ ഇതുവരെ പുറത്തുവന്ന കണക്കുകള് യഥാര്ത്ഥമാകാന് യാതൊരു സാധ്യതയുമില്ല. സുപ്രീംകോടതിയില് നിന്നാണ് ഇതുസംബന്ധിച്ച് ഫലപ്രദമായ നടപടികള് ഉണ്ടാകേണ്ടത്. ഈ മൂല്യനിര്ണയ പ്രക്രിയ തന്നെ ഏറെ സമയം പിടിക്കുന്നതും സങ്കീര്ണവുമാകുമെന്നിരിക്കെ ശ്രീപത്മനാഭ സന്നിധിയില് അറിയപ്പെടാതെ കഴിഞ്ഞുപോന്ന നിധിശേഖരം എത്ര കോടി രൂപയുടേതാണെന്നതിനെപ്പറ്റിയുള്ള തര്ക്കം അനന്തമായി നീണ്ടുപോയേക്കും.
യഥാര്ത്ഥമൂല്യം എത്രതന്നെ ആയിരുന്നാലും ഇന്ത്യയിലെ സമ്പന്നക്ഷേത്രങ്ങളുടെ പട്ടികയില് ഒന്നാംസ്ഥാനത്ത് ശ്രീപത്മനാഭക്ഷേത്രം എത്തിക്കഴിഞ്ഞതായാണ് അനൗദ്യോഗിക കണക്ക്. ഇതുവരെ ഏറ്റവും മുന്നിലായിരുന്ന തിരുപ്പതി ദേവസ്ഥാനത്തിന്റെ ആസ്തി 55,000 കോടി രൂപയുടേതാണ്. ഇന്ത്യയില് ഏതാനും സമ്പന്നക്ഷേത്രങ്ങള്കൂടി പഴയ രാജകുടുംബങ്ങളുടെ അധീനതയില് ഉണ്ടെങ്കിലും അവയുടെയെല്ലാംകൂടി ആസ്തിപോലും ശ്രീപത്മനാഭ ക്ഷേത്രത്തിന്റെയത്ര വരില്ല.
പ്രതിശീര്ഷ വരുമാനത്തിന്റെ കാര്യത്തില് കേരളത്തിലെ തന്നെ ശബരിമലയും ഗുരുവായൂരും ഒറീസയിലെ പുരി ജഗന്നാഥ, ഗുജറാത്തിലെ സോമനാഥ, കൊല്ലൂര് മൂകാംബിക, മധുര മീനാക്ഷി, അമൃത്സറിലെ സുവര്ണ്ണക്ഷേത്രങ്ങള് ഏറെ മുന്നിലാണെങ്കിലും തിരുവിതാംകൂര് രാജവംശം ജീവശ്വാസം പോലെ കാത്തുസൂക്ഷിച്ചുപോന്ന അമൂല്യനിധിസഞ്ചയം ശ്രീപത്മനാഭ ക്ഷേത്രത്തെ ആരോരുമറിയാതെ തന്നെ ഏറ്റവും വലിയ സമ്പന്നദേവാലയമാക്കി നിലനിര്ത്തിപ്പോന്നു.
യഥാര്ത്ഥമൂല്യം എത്രതന്നെ ആയിരുന്നാലും ഇന്ത്യയിലെ സമ്പന്നക്ഷേത്രങ്ങളുടെ പട്ടികയില് ഒന്നാംസ്ഥാനത്ത് ശ്രീപത്മനാഭക്ഷേത്രം എത്തിക്കഴിഞ്ഞതായാണ് അനൗദ്യോഗിക കണക്ക്. ഇതുവരെ ഏറ്റവും മുന്നിലായിരുന്ന തിരുപ്പതി ദേവസ്ഥാനത്തിന്റെ ആസ്തി 55,000 കോടി രൂപയുടേതാണ്. ഇന്ത്യയില് ഏതാനും സമ്പന്നക്ഷേത്രങ്ങള്കൂടി പഴയ രാജകുടുംബങ്ങളുടെ അധീനതയില് ഉണ്ടെങ്കിലും അവയുടെയെല്ലാംകൂടി ആസ്തിപോലും ശ്രീപത്മനാഭ ക്ഷേത്രത്തിന്റെയത്ര വരില്ല.
പ്രതിശീര്ഷ വരുമാനത്തിന്റെ കാര്യത്തില് കേരളത്തിലെ തന്നെ ശബരിമലയും ഗുരുവായൂരും ഒറീസയിലെ പുരി ജഗന്നാഥ, ഗുജറാത്തിലെ സോമനാഥ, കൊല്ലൂര് മൂകാംബിക, മധുര മീനാക്ഷി, അമൃത്സറിലെ സുവര്ണ്ണക്ഷേത്രങ്ങള് ഏറെ മുന്നിലാണെങ്കിലും തിരുവിതാംകൂര് രാജവംശം ജീവശ്വാസം പോലെ കാത്തുസൂക്ഷിച്ചുപോന്ന അമൂല്യനിധിസഞ്ചയം ശ്രീപത്മനാഭ ക്ഷേത്രത്തെ ആരോരുമറിയാതെ തന്നെ ഏറ്റവും വലിയ സമ്പന്നദേവാലയമാക്കി നിലനിര്ത്തിപ്പോന്നു.
തിരുവിതാംകൂര് രാജവംശം ഭക്തര്ക്കായി ദാനംചെയ്ത ക്ഷേത്രത്തിന്റെ സ്വത്ത് ക്ഷേത്രത്തിന് തന്നെ അവകാശപ്പെട്ടതാണെന്നും ഇതിന്റെ സംരക്ഷണച്ചുമതല ഏറ്റവും സൂക്ഷ്മതയോടെ സംസ്ഥാന സര്ക്കാര് നിറവേറ്റുമെന്നുമുള്ള മുഖ്യമന്ത്രിയുടെ പ്രഖ്യാപനം മതഭേദമെന്യേ എല്ലാ വിവേകമതികളും സ്വാഗതം ചെയ്യും.
