കൊച്ചി: വിദ്യാഭ്യാസ മേഖലയെ സേവന മേഖലയായി കാണണമെന്ന് കേന്ദ്ര സഹമന്ത്രി പ്രൊഫ.കെ.വി.തോമസ് പറഞ്ഞു. കേരള പ്രൈവറ്റ് കോളേജ് ടീച്ചേഴ്സ് അസോസിയേഷന് മദ്യത്തിനും മയക്കുമരുന്നിനുമെതിരെ നടത്തിയ ക്യാമ്പയിന് ഉദ്ഘാടനം ചെയ്യുകയായിരുന്നു അദ്ദേഹം.ആഫ്രിക്കന് രാജ്യങ്ങളില് പോലും ഈ മേഖലയില് വന് മാറ്റങ്ങളാണ് നടക്കുന്നത്. മാറിവരുന്ന സാഹചര്യത്തില് കൂടുതല് നിക്ഷേപം വിദ്യാഭ്യാസ മേഖലയില് ആവശ്യമായി വന്നിരിക്കയാണ്. സര്ക്കാരിനുമാത്രം നിക്ഷേപിക്കുക അസാധ്യമാണ്. അതുകൊണ്ട് തന്നെ സ്വകാര്യ നിക്ഷേപവുമാവശ്യമാണ്. എന്നാല് ഇതൊരു കച്ചവടമായി കാണാന്പാടില്ല. വിദ്യാഭ്യാസ രംഗത്ത് സാമൂഹിക നീതി ഉറപ്പുവരുത്തണമെന്നും മന്ത്രി പറഞ്ഞു. ശിക്ഷക് സദനത്തില് നടന്ന ചടങ്ങില് അസോസിയേഷന് സംസ്ഥാന പ്രസിഡന്റ് ഡോ.എം.സി.ദിലീപ്കുമാര് അധ്യക്ഷനായിരുന്നു. ഹൈബി ഈഡന് എം.എല്.എ മുഖ്യപ്രഭാഷണം നടത്തി. പ്രൊഫ.കെ.എ. സിറാജ് ,പ്രൊഫ.ബിജോയ് മാത്യു, പ്രൊഫ.ജി.ജേക്കബ്, പ്രൊഫ.ബാലചന്ദ്രന് കീഴോത്ത്, പ്രൊഫ.ഇ.ജെ. വിന്സന്റ് എന്നിവര് പ്രസംഗിച്ചു.
