എതിര്സ്ഥാനാര്ഥിയായ വനിതയെക്കുറിച്ച് മുഖ്യമന്ത്രി നടത്തിയത് സഭ്യതയുടെ സീമകള് ലംഘിക്കുന്ന പരാമര്ശമാണെന്നാരോപിച്ച് യു.ഡി.എഫ്. മലമ്പുഴ നിയോജകമണ്ഡലം കമ്മിറ്റി രംഗത്തെത്തി. മുഖ്യമന്ത്രിയുടെ വാക്കുകള് സാംസ്കാരികകേരളത്തിന് അപമാനമാണെന്ന് ഡി.സി.സി. ജനറല്സെക്രട്ടറിയും യു.ഡി.എഫ്. മലമ്പുഴനിയോജകമണ്ഡലം ചെയര്മാനുമായ സി.ചന്ദ്രന് പ്രസ്താവനയില് വ്യക്തമാക്കി.
സിന്ധുജോയിക്കെതിരെ 'ഒരുത്തി' പ്രയോഗം നടത്തിയ വി.എസ്.അച്യുതാനന്ദന് ഇപ്പോള് ലതികാസുഭാഷിനെതിരെ അതിനേക്കാള് മോശമായാണ് പ്രതികരിച്ചത്. കെ.പി.സി.സി.സെക്രട്ടറി, കോട്ടയം ജില്ലാ പഞ്ചായത്ത് പ്രസിഡന്റ് എന്നീ നിലകളില് പ്രവര്ത്തിച്ച പ്രശസ്തിക്കപ്പുറമെന്തെങ്കിലും ലതികാസുഭാഷിനുണ്ടെങ്കില് മുഖ്യമന്ത്രി പരസ്യമാക്കണമെന്നും പ്രസ്താവനയില് ആവശ്യപ്പെട്ടു.
തന്റെ അച്ഛനേക്കാള് 12 വയസ്സുകൂടുതലുള്ള വ്യക്തിയാണ് മുഖ്യമന്ത്രിയെന്നും പാര്ട്ടി ആവശ്യപ്പെട്ടപ്പോള് അദ്ദേഹത്തിനെതിരെ മത്സരരംഗത്തുവന്ന തെറ്റുമാത്രമേ ചെയ്തിട്ടുള്ളൂവെന്നും ലതികാസുഭാഷ് പ്രതികരിച്ചു. മുഖ്യമന്ത്രിയെപ്പോലൊരാളില്നിന്ന് നിലയുംവിലയുംകെട്ട പരാമര്ശം ഒരിക്കലും പ്രതീക്ഷിച്ചില്ലെന്നും അവര് വ്യക്തമാക്കി.
