മുംബൈ: രാജ്യത്തെ കോണ്ഗ്രസ് മുഖ്യമന്ത്രിമാരില് ഏറ്റവും ജനകീയന് കേരള മുഖ്യമന്ത്രി ഉമ്മന് ചാണ്ടിയാണെന്ന് സിഎന്എന്- ഐബിഎന്- ഹിന്ദു സര്വെ. 67% ജനങ്ങള് ഉമ്മന് ചാണ്ടിയുടെ പ്രകടനത്തില് സംതൃപ്തി രേഖപ്പെടുത്തി.
19 പ്രധാനപ്പെട്ട സംസ്ഥാനങ്ങളില് 1300 തെരഞ്ഞെടുക്കപ്പെട്ട കേന്ദ്രങ്ങളിലാണു സര്വെ നടന്നത്. ജനസമ്മിതിയില് 19മുഖ്യമന്ത്രിമാരില് ഉമ്മന് ചാണ്ടിയുടെ സ്ഥാനം ഏഴാമതാണ്. സംസ്ഥാനങ്ങളുടെ പ്രകടനത്തില് കേരളം പത്താം സ്ഥാനത്ത്. തരുണ് ഗൊഗോയ് (ആസം), അശോക് ഗലോട്ട് (രാജസ്ഥാന്), ബുഭിന്ദര് സിംഗ് ഹൂഡ (ഹരിയാന), പൃഥ്വിസിംഗ് ചൗഹാന് (മഹാരാഷ്ട്ര), ഷീല ദീക്ഷിത് (ഡല്ഹി), കിരണ് കുമാര് റെഡ്ഡി (ആന്ധ്രാപ്രദേശ്) എന്നിവരാണ് ഉമ്മന് ചാണ്ടിയുടെ പിന്നിലുള്ള കോണ്ഗ്രസ് മുഖ്യമന്ത്രിമാര്. നിതിഷ് കുമാര് (ബിഹാര്), രാമന് സിംഗ് (ഛത്തീസ്ഗഡ്), മമതാ ബാനര്ജി (പശ്ചിമ ബംഗാള്), ശിവരാജ് സിംഗ് ചൗഹാന് (മധ്യപ്രദേശ്), നരേന്ദ്ര മോഡി (ഗുജറാത്ത്) തുടങ്ങിയവരാണ് ഉമ്മന് ചാണ്ടിയുടെ മുന്നിലുള്ള മുഖ്യമന്ത്രിമാര്
